Welcome to Urdubiography
Home >> National Heroes >> Captain Sarwar Shaheed  

 

 

Captain Karnal Sher Khan Shaheed

Captain Karnal Sher Khan Shaheed was born in 1970 in Sawabi. After his martyrdom his brother said that his father wants Captain Karnal Sher Khan to become Karnal in Pakistan Army, that is why they named him Karnal. Captain Karnal Sher Khan was a very brave man and even Indian Army accepted his bravery. The commanding officer of Indian Army has written that Captain Karnal Sher Khan Shaheed must awarded by the biggest awarded of Pakistan Army. Captain Karnal Sher Khan was awarded by Nishan e Haider in 1999 by the Pakistan Government. In this page, you will read Captain Karnal Sher Khan Shaheed , Story , Captain Karnal Sher Khan Shaheed In Urdu

Captain Karnal Sher Khan Shaheed In Urdu

Captain Karnal Sher Khan Shaheed Photo

1970 mein paida hone wale Karnal Sher Khan Shaheed 12 Northern Light Infantry mein Captain thay aur is se phele 27 Sindh regijment mein khidmat saranjam de chuke the. Ap soba e Sarhad ke zila Sawabi ke gaoon Nawan Kali mein peda hoye. Un ki shahadat ke baad in ke bare bhai ne aik T.V interview mein bataya ke un ke waliden chahate thay ke Sher Khan Pakistan Foj mein Karnal banne, isi liye unhon ne un ka naam hi Karnal rakh diya. Captain Karnal Sher Khan Shaheed ke gaoon Nawa Kali ka naam ab tabdeel kar ke un ke naam Karnal Sher Khan Kali yani “Karnal Sher Khan ka gaoon” rakh dia gaya hai. Captain Karnal Sher Khan ko un ki Shahadat ke bad marka e Cargill mein un ki jurat o bahaduri ke eteraf mein 1999 mein Nishan e Haider se nawaza gaya. Khas baat ye thi ke shujaat ki jo gawahi unhen ye ezaz delane ki mujib bani, wo khud bharti foj ki taraf se ai thi.

Captain Karnal Sher Khan Shaheed ne Cargill ki jang ke doran galtri aur wadi mashkosh ke gird hifazati chukiyan qaim kein, aur un ka kamyab defa karte rahe. Agarcha bharti foj ki taraf se ilzam lagaya jata hai ke unhon ne tiger hill ki aik choki par qabza kar rakha tha magar Pakistani foj ki tarf se ese tasleem nahi kiya jata. Behar haal is mein koi shak nahi ke Captain Karnal Sher Khan ne jis bahaduri se apni positions ka difa kiya is ka eteraf khud bharti afwaj bhi karne par majbor ho gaein.Captain Karnal Sher Khan Shaheed ke muqable mein ane wale bharti afwaj tadad aur bhari aslehe mein bartari ke hawale se un se kai guna ziyadah thein, magar unhon ne kai mawaqe bharti afwaj jin mein 8 Sikh regiment khas tor par shamil thi, ko shikast de kar peche hata deya. Akhir mein un ke sath sirf chand sathi reh gaye the. Morcha khali karne ke bajaye unhon ne apne sathiyon ke hamrah aage barh kar hamla karne ka fasla kiya. Apne 21 sathiyon ke hamrah wo bharti afwaj apr hamla aawar hoye aur positions badal badal kar itni tezi se hamle kiye ke harif supahiyon ka sanbhalna mushkil ho gaya. Biula akhir Captain Karnal Sher Khan Shaheed ke hamlon ki tab na late hoye Sikh regiment ke camp area tak ja pohanche. Yahan dushmano ke supahiyon ne un ke gird ghera dal deya aur unhon ne hatyar dalne ke leye kaha lekin Captain Karnal Sher Khan ne hatyar dalne se inkar kar deya aur mehsor hone ke bawajod aage barh kar hamla kar deya. Camp ke commanding officer tak pohanchne ki delerana koshish mein unhon ne jam e Shahadat nosh kiya aur un ki isi himat o jurat ka eteraf bharti foj ki taraf se kiya gaya.

Shahadat ke bad jab chand bharti fojiyon ne un ki lash ko thokar marne ki koshish ki to un ke commanding officer ne unhen rok deya aur kaha ke ye aik bahadur insan ka jasd e khaki hai aur is ki behurmati kisi qemat par nahi ki jani chaheye. Us ne hokum deya ke Captain Karnal Sher Khan ka jism yahan para rehne deya jane ke bajaye Srinagar laya jaye. Shahadat ke bad un ke wajo ko dushman ki taraf se bhi pori izat o ehtaram se nawaza gaya. Us ne teriri tor par Captain Karnal Sher Khan ki bahaduri ka eteraf kiya aur kaha ke ye nojawan mutahiq hai ke ese mulk ke sab se bare foji ezaz se nawaza jaye. Is ki likhi hoi ye tehrir aaj bhi Captain Karnal Sher Khan ke khandan ke pas mehfoz hai.

More Links

  Mohtarma Fatima Jinnah Liaquat Ali Khan General Pervez Musharraf

 

 

 

 

 

 

@Copy right 2012-2014 www.urdubiography.com