Welcome to Urdubiography
Home >> National Heroes >> Major Shabbir Sharif Shaheed  

 

 

Major Shabbir Sharif Shaheed

Major Shabbir Sharif Shaheed was born on 28 April 1943. His father name was Major Muhammad Sharif. Shabbir Sharif Shaheed was commissioned in Pakistan army on 19 April 1964 . In the 1965 war for his braveness, he received “Sitara e jurat” award. On 11 September 1965, he was appointed as the company commander. He died on 6 December 1971 when the Indian army fired on him. In this page, you will read Biography Major Shabbir Sharif Shaheed In Urdu.

Biography Major Shabbir Sharif Shaheed

Major Shabbir Sharif Shaheed
Major Shabbir Sharif Shaheed 28 April 1943 ko kanjah Gujarat mein peda howe. App ke walid ka naam Major Muhammad Sharif tha jo khud bhi foj se wabasta the. Shabbir Sharif Shaheed ne senior Cambridge karne ke bad sirf 6 mah Government College Lahore mein talem hasil ki 19 April 1964 ko foj mein commission hasil kiya. 1965 ki Pak bharat jang mein jurataur bahaduri ka muzahira karne par unhein “sitar e jurat” deya gaya. Kakol academy se bhi ap ko ezazi shamshir ata hoi. Is ke elawa unhein tagha e jang se bhi nawaza gaya. 1965 ki jang mein ap second leftinant ke uhde par faiz the.

11 September 1965 mein app ko Company Commander muqarar kiya gaya jab ke 1967 mein ap ko ceaditon ko tarbiyat dene ke leye kakol academy mein tainat kar deya gaya. Ap ko Majo ke uhde par taraqi bhi kakol academy mein hi mili. 1971 ki Pak bharat jung mein head sulemanki ke qareb 6- frontier force ki Kaman ka fariza ap ko 3 December ko sonpa gaya aur unhein aik unche band par qaza karne ki muhim sonpi gai. Is muhim ko sar karne ke liye Major Shabbir ko teen fit chori aur das fit gehri “sabona naher ” ko ubor karna para. App ne bemisal jurat ka muzahira karte howe aik ghante mein dushman ke 43 siphiyon ko muat ke ghat utar kar un ke 4 tank tabah kar deye aur 38 foji qedi bana leye. Ap ke muqable dushman ki do foji bateleyan foj thi. 5 aur 6 December ki darmiyani shab ko Major Shabbir Sharif ne apne morche se nikal kar dushman ke company commander 4- rajment ke Major Narayan Singh ko pakra aur dast badast muqable ke baad halak kar diya. Jang ke doran Shabbir Sharif to pichi ki anti tank gun se gole barane ka kaam sanbhale howe the.

6 December 1971 raat 11 baje dushman ke tank ka aik gola un ke sene ke daein janib alaga aur wo wahein par Shaheed ho gaye. Shahadat se phele un ke akhiri alfaz yehi the “pul par qaza na hone dena.” Itefaq dekhiyein ke usi raat un ki waldah jab 11 baje khana paka rahi thein to un ke honton par bhi ye misra bar bar araha tha, Ae mard e mujahid jag zara, ab waqat e shahdat hai aya.

Shahadat ke waqat Shabbir Sharif ke walden Lahore mein Gulbarg mein market ke qareb rehaish pazer the jab ke un ki ehliya Hazro zila attak mein muqem thein. Shabbir Sharif ne apni wasiyat mein khud ko apne dost Tanveer ke phelon mein Miyani Sahab ke qabrutan Lahore mein dafan karne ki wasiyat ki halan ke un ke walden unhen amanatan gulburg Lahore ke qabrutan mein dafan karna chahate the. Major Shabbir Sharif rajput khandan se taluq rakhte the, body building ka bohat shoq tha,pasandedah sawari motor cycle thi. Qad darmiyana, rang sanwala, peshani kushadh, aankein bari aur mochein lambi thein.

Ye un ka qol aaj bhi har dil mein mehfoz hai: “main bharat ki ghulami qabol karne ke bajaye watan ke leye qurban ho jana ziyadah pasand karon ga.” Major Shabbir Sharif Shaheed watan se mohbat ka itna azeem jazba rakhte the ke unhein is ke muqabale mein apni jan ki bhi koi parwah nahi thi. Aik muhib e watan Pakistani ki hesiyat se unhon ne doshmanon ke samne hatyar dalne ke bajaye jawan mardi se Shaheed hone ko tarjih de aur hamesha ke liye amar ho gaye.

More Links

General Raheel Sharif Major Aziz Bhatti Shaheed Captain Sarwar Shaheed  

 

 

 

 

@Copy right 2012-2014 www.urdubiography.com