Welcome to Urdubiography
Home >> Pak History >>Background of Pakistan Resolution  

 

 

Background of Pakistan Resolution

23rd March is a very important and special date the actuation of Pakistan. It is a basic significance day of Pakistan. Before 73 years the Muslim’s of Pak o Hind established a great assemblage for the safety of own religion and passed the resolution in 23 March 1940 at Lahore Minto Park (Iqbal Park). The Hind Muslim league convened the congress in Delhi 3 February 1940 for the decision of the great assemblage. After the resolution, this day was appellative with the name of Resolution of Pakistan. This resolution passed with the great success of Quaid e Azam Mohammad Ali Jinnah. In this page you can see the basic information about the Background of Pakistan Resolution (Qarardad e Pakistan 23 March 1940 In Urdu).

Qarardad e Pakistan 23 March 1940 In Urdu

Qarardad e Pakistan Image

23 March tehreek e Pakistan ki aeham dates mein shamil hai. Jinhe barre sagheer ka siyasi tareekh nigaar hamesha bunyadi aehmiyat rakhne wale dino mein shumar karega. Aaj se 73 years qabal 23, March 1940 ko Lahore minto park (Maujoda Iqbal Park) mein Barre Sagheer Pak o Hind ke Musalmano ne aik azeem ijtemaa mein apne mazhab aur saqafti virsa ke tahaffuz ki khatir aik qarardad manzoor ki thi. Jis ka asal maqsad yeh tha ke aesi mumlikat tashkeel di jaey , jahan log apni zindagi shariyat ke mutabiq guzaar saken. Is qaradad ko baad mein qarardad e Pakistan ke naam se mausoom kiya gaya.

Barre Sagheer ke Musalmano ne sadiyon tak is mulk par hukomat karne ke bawajood kabhi mulk ki aksariyat yani Hindoun ko apna ghulam nahi samjha aur un ke huqooq ki pori tarha dekh bhaal aur hifazat ki, lekin Hindoun ne hamesha siyasi aur samaji satah par Musalmano ko kamzor karne, bal ke in ko mita dene ki bharpor koshish ki. 1857 ke baad Hindoun ki muaandana sargarmiyon mein shiddat peyda ho gai aur mehaz siyasi maslehat ki buniyad par angrez hukmarano ne bhi in ki pori pori pusht panahi ki. Hindoun ki Barre Sagheer se Musalmano ko mita dene ki khuwahish aur koshish is qadar khatarnaak hoti ja rahi thi ke jis ki madafat mein bil aakhir Musalmano ne Muslim League qaiym ki.

All India Muslim League ne 1940 se qabal kabhi bhi baqaiyda taur par Bare Sagheer ke Musalmano ke liye azaad aur khud mukhtar watan ka mutalba nahi kiya tha. Sir Syed Ahmed Khan Baree Sagheer ke pehle musalman rehnuma the. Jinho ne 1887 mein musalmano ke liye qaum ka lafz istemal kiya aur Musalmano ko congress mein shirkat se roka, lekin unho ne musalmano ke liye azaad watan ka mutalba nahi kiya tha. Wo chahte the ke musalmano ke liye aise tahaffuzat muhayya kiye jaey, jis se in ke huqooq aur mafadaat ki hifazat ho sake. 1906 mein qaiym hone wali jamaat all india muslim league ke qiyam ke maqasid mein se aik maqsad ko in alfaaz mein beyan kiya gaya tha. Ke musalmanan e hind ke siyasi huqooq o fawaiyd ki negehdasht karna aur un ki zarorat aur khuwahishat ko maudbana tariqey se hukomat ke samne pesh karna.

All India Muslim League ne apne qeyam ke baad se he humesha is bat ki koshish ki ke Hindoun ke sath afhaam o tafheem ke raasta ikhteyar kiya jaey aur khud Quaid e Azam Mohammad Ali Jinnah bhi shuru shuru mein is baat ke khuwahan the ke angrezon se Hindustan ki azadi ke liye tama aqwaam mil kar jaddojehad karen. Yehi wajah hai ke Quaid e Azam congress mein shamoliyat ke bad congress ke platform se azaadi ka naara buland karte rahe aur bil aakhir unhi ki koshishon se 1916 mein Hindoun aur Musalmano ke darmiyan aik muaayda tashkeel paya, jo barresagheer ki tareekh mein Meesaq e Lukhnow ke naam se mashoor hai. Is muaaehde ke bawajood hindo qiyadat musalmano ke huqooq o mafadaat ke tahaffuz mein mukhlis na thi aur yehi baat Quaid e Azam ne bhi mehsoos ki ke Hindo qiyadat nat nae bahano ki talaash emin rehti hai, chunache 1920 mein Quaid e Azam ne congress se mukammal alehdgi ikhteyar kar li.

Agarcha Musalman qaiydeen ne hamesha Hindoun ke sath ba izzat samjhote ki khuwahish zahir ki, lekin Hindoun ne is ke bar aks bilkul ghalat andaaz ikhteyar kiya, wo kisi na kisi tariqe se apne nazaryat Musalmano par thonsna chahte the aur musalmano ko niche dikhana chahte the. Hindoun ne apni taqareer aur tehreekon ke zariye Musalmano ke khilaf nafrat phelane ki koshish ki. 1867 mein Urdu aur Hindi zabano ka jhagra, 19 century ke aakhri 10 years mein hindo inteha pasand tehreekon aur taqseem e Bengal 1905 ki mukhalfat ki sab se barhi wajah yeh thi ke hindo, Bengal ke Musalmano ko phalta phulta nahi dekhna chahte the. Judagana intekhabat ke usool ki mukhalfat bhi is liye ki gait hi ke Hindo Musalmano ko aik alehda qaum manne ke liye tayyar na the. Nehru report mein Musalmano ke liye jis tassub aur tang nazri ka muzahira kiya gaya. Wo hindo zehan ki sahi akasi karta hai. Round table conference mein bhi hindoun keg her danishmandana aur gher haqiqat pasandana rawaiyye ne musalmano mein yeh tassur peyda kar diya ke hindo koi samjhota nahi chahte. Bal ke wo musalmano par mukammal ghulba hasil karne ke khuwahan hain. 1937-39 mein congress ki soobai wazarton ne rahi sahi kasar pori kar di.

Hindoun ki tanzeem congress ka shuru se he nuqta e nazar yeh tha ke Hindustan aik mulk hai, is mein rehne wale aik qaum hain. In ki aik numaiyda jamaat hai. Jis ka naam congress hai jo angrezon ke inkhala ke bad maghrabi tarz ki ladeeni, jamhori riyasat qaiym karegi aur jis ke faisley aksariyat se honge. Is nazariye ke baraks all india muslim league is baat ki daai thi ke Hindustan aik mulk nahi bal ke mulkon ka majmooa hai. Is ke bashinde aik qaum nahi, bal ke mutadid qaumon ka majmooa hain, jis mein hindo aur musalmano ki muslim league hai. Angrezon ke inkhela se peshtar hindo, muslim tasfiya zarori hai. Musalman kisi aesi hukomat ko qabool nahi karenge, jis mein mehaz aksariyat ki bunyad par faisley kiye jaey aur kisi qaum ke mazhabi tashakhus ko pesh e nazar na rakha jaey, wo kisi aesi tehreek ka sath nahi denge. Jis ke pesh e nazar muslim qaumiyat ka khatma ho.

Yehi wo halaat aur andaz o fikar the, ke jis ki bunyad par Muslim League ke qaiydeen bil aakhir yeh faisla karne par majboor ho gaey. Ke musalman hindoun ke sath ba izzat taur par zinda nahi reh sakte . chunache 3 February 1940 ko Dehli mein kul hind muslim league ka ijlaas munaqid hua. Jis mein yeh faisla kiya gaya ke aaiynda maah yani 22, 23 aue 24 March ko Lahore mein aik azeem ul shaan jalsey ka aehtemam kiya jaey aur is mein aik alehda mumlikat ka mutalba kiya jaey. All india muslim league ke is tareekh saaz ijlaas mein Sir Shahnawaz Khan Mamdoot ne khutba e istaqbaliya parha. Quaid e Azam Mohammad Ali Jinnah ne apni sadarti taqreer mein 2 qaumi nazariya ki wazahat ki aur logon ko bataya kea b waqt aa gaya hai ke Hindustan ke musalman apni alehda mumlikat ka mutalba karen. Sher Bengal Maulvi Fazal ul Haq ne is mauqey par qaradad pesh karte hue yeh mutalba kiya ke, Geographic hesiyat se mutassil arzii wehdaton ke mabeyn hudood qaiym kar ke aesi ilaqaai raddo badal ke sath jo zarori hai. Had bandi ki jaey aur wo ilaqey jis mein musalman ad’di aitebar se aksaryat mein hon. Jaisa ke Hindustan ke shumal maghrabi aur mashraqi mantaqon mein hain. In par mushtamil azaad riyasatyein qaiym ki jaey. Jin mein shareek wehdatein khud mukhtar aur azaad hongi.

Barre Sagheer ke mukhtalif areas se aae hue Muslim League ke qaiydeen jin mein Chaudhry Khaleeq uz Zaman ( UP ), Maulana Zafar Ali Khan ( Punjab ), Sardar Aurangzeb Khan ( Sarhad ), Sir Abdullah Haroon ( Sindh ), Khan Bahadur Nawab Syed Muhammad Ismail ( Bahar ), Qazi Muhammad Essa ( Balochistan ), Abdul Hameed Kha’n ( Madras ), Ibrahim Ismail Chundrigar ( Bombai ) aur Syed Abdur Rauf Shah ( CP ) shamil the. Apni apni speeches mein qaradad ki pur zoor taiyd ki. Yeh baat bhi dilchaspi se khali nahi ke is ijlaas mein qaradad ke matan mein “ Pakistan ” ka lafz istemal nahi kiya gaya tha, magar Hindu press ne is qaradad par aik toofan khara kar diya tha aur yeh shor machaya key eh qarardad e Pakistan hai. Is tarha barresagheer ke tamam logon tak yeh naam samne aaya aur phir jaldi he is naam se famous ho gaya, Hindu press ke is propaganda ki bunyad par bil aakhir muslim league aur Quaid e Azam ne bhi qarardad e Lahore ko qarardad e Pakistan he tasleem kar liya aur yun barresagher ke Musalmano ka yeh mutalba qarardad e Pakistan ke naam se he duniya mein maroof hua.

Barre Sagheer ke Musalmano ne is qarardad ki manzori ke bad he apni azaadi ki jaddojehad ko tez tar kar diya aur sirf 7 years ke mukhtasir arsey mein beyk waqt angrezon aur hindoun ki ghulami se azaadi hasil kar li aur 14 August 1947 ko tareekh e aalam mein aik nae azaad islami mumlikat Pakistan ka naam se wajood mein aa gai.

Quaid-e-Azam Liaquat Ali Khan Fatima Jinnah
Zulfiqar Ali Bhutto Major Aziz Bhatti Shaheed Abdul Sattar Edhi

 

 

 

 

@Copy right 2012-2014 www.urdubiography.com