Welcome to Urdubiography
Home >> Pak History >> Lahore History

 

 

Lahore

Lahore is second big and historical City of Pakistan. Lahore is situated on the bank of Ravi. The population size is 90 Lacs. The origins of Lahore’s name is rooted in Hindu mythology. Lahore is named after Lahawar and Loharo, who was the son of Ramayana, who features as a hero in Hindu mythology. It has been ruled by the Mughals, Sikhs and British before gaining Independence. Lahore is known as “ The Heart of Pakistan ”. In this page, you will read Lahore History In Urdu.

Lahore History In Urdu

Lahore Image

Pakistan ka dosra barha aur qadeem tareekhi shehar. Darye Ravi ke mashraqi kinare par aabad. Is ki maujooda abaadi 90 lakh nafoos par mushtamil hai. Lahore ki ibtedaai tareekh Hindoun ki mukhtalif riwayaat aur dastanon par mushtamil hai. Ek riwayat ke mutabiq is ki bunyad ( Ramayana ) ki rizmia nazmon ke mashoor hero Ram Chandar ke do larkon mein se aik ke naam ( Loh se ) par Lahore parha. Kashmir aur Rajputana ki qadeem tareekhi kitabon mein yeh Hindoun ki riyasat hai. Aik aur riwayat ke mutabiq ise maghrabi hindustan se aane wale Rajput shehzadon ne aabad kiya. Mehmood Ghaznavi ke Lahore fatah karne se qabal ye badastoor Hindoun ke qabzey mein tha. Mashoor Cheeni Sayyah Heaven Sang jis ne 630 mein Punjab ki siyahat ki ne bhi apne safarnamey mein kahin Lahore ka zikar nahi kiya. Musalman maurkheen mein al-idreesi ne nawi sadi easwi mein likhi gai apni kitab Hittul Mushtaq fi Iftekhadul Mushtaq mein ise ( Lahawar ) aur Abu Rehan al-Beruni ne apni kitab qanoon mein ise ( Loharo ) likha hai.

Mehmood Ghanavi ke bad Lahore 1288 se 1450 tak Ghauriyon, Khaljiyon, Taghlaqon, Syedon aur Lodhiyon ke qabze mein raha. 1526 mein Mughal Badsha Zaheer Uddin Babar ne Lahore par qabza kar liya.

Lahore ne us waqt Muslim League ke plate form ki hesiyat ikhteyar kar li, jab 23 March 1940 mein yahan Qarardad e Pakistan manzoor ki gai.

1947 mein Qiyam e Pakistan par ise Pakistan mein shamil kar liya gaya, us waqt se le kar ab tak ise Pakistan ke saqafti markaz ki hesiyat hasil hai. Qiyam e Pakistan ke bad ye Punjab aur phir Maghrabi Pakistan ka sadar maqam raha. 1954 mein Pak Bharat jang mein Lahore ke shehriyon ne dushman ke muqable mein bahaduri ke jo johar dikhae the, hukoomat-e-Pakistan ne inhe Hilal-e-Istaqlaal ke aezaaz se nawaza. Yeh ek aesa aezaaz hai jo kabhi sarangon nahi hota.

Yeh shehar Madina tul Auliya ki hesiyat rakhta hai. Yahan aalmi shohrat yafta sufi buzurgon ke mazaraat bhi hain, jin mein Hazrat syedena Ali Johri Rehmatullah Alleh, Hazrat Miyan Meer, Hazrat Peer Makki Sahab, Hazrat Madho Laal Hussain aur Hazrat Shah Muhammed Ghaus ke mazaraat khusoosi taur par qabil e zikar hain. Darbar Hazrat Data Ganjsh Bakhsh se mulhiq ek barhi Masjid bhi qaiym hai.

Lahore ko Pakistan ka dil bhi kehte hain aur ghaliban is ki wajah ye bhi hai ke har ilaqe ke logon ne ise apna miskan bana liya hai.

Yahan mutaadid qabil-e-deed maqamaat bhi hain jin mein se chand aeham yeh hain.

Lahore Mosque (Lahore Ki Masjid ):

1. Badshahi Masjid:

Badshahi Masjid ka shumar duniya ki azeem tareekhi Masajid mein hota hai. Ise 1670 mein Mughal Badshah Aurangzeb Aalamgir ne tameer karwaya. Masjid sang surkh aur sang safed se bani hui hai.

2. Sunehri Masjid :

Sunehri Masjid bahat khobsurat Masjid hai aur rang Mehal ke chawk se zara aage hai. Ise Muhammed Shah ke aehad mein 1753 mein tameer kiya gaya.

3. Masjid Shuhada :

Yeh Masjid 1965 ki Pak Bharat jang mein shaheed hone wale mujahidin ki yaad mein tameer ki gai hai. Yeh tamam ki tamam sabz sang-e-mar mar ki bani hui shahrae Quaid-e-Azam par Regal Chowk ke bilkul qareeb hai.

4. Wazir Khan Masjid :

Yeh purani shehar ki hudood ke andar Kashmiri bazar mein waqeya hai. Is ki tarz-e-tameer mein mashraqi fun tameer ki ek jhalak numaya dikhai deti hai. Ise 1634 mein Shah Jahan ke wazeer Ilm uddin ke hukum se tameer kiya gaya. Is mein jo Tiles lagi hui hain us par Arab tarz ki tasaveer banai gai hain.

Shahi Qila:

Yeh badshahi Masjid ke bilmaqabil waqeya hai, is ki tameer ka kaam kae marhalon mein mukammal kiya gaya. Qiley mein Moti Masjid aur Sheesh Mehal bhi hai.

Deewan-e-aam, Deewan-e-Khas, Nau lakha Maiydan aur Shahi Hamam deegar qabil-e-zikar maqamaat hain.

Shalamar Bagh:

Yeh Baghaat 1640 mein Mughal Badshah Shah Jahan ke aehad mein lagae gae the. Ye Mughliya aehad ki azeem yadgaron mein se aik hai. Is maqam ko yeh aezaaz hasil hai ke yahan gher mulki mehmanon ke aezaaz mein istaqbaliya bhi diya jata hai. Yeh 42 aekarh raqbey par muheet hai. Mela Chiragan har saal March mein yehi munaqid kiya jata hai.

Lahore ke aeham baghaat mein Bagh-e-Jinnah, Race course Park, Jillo National Park, Nasir Park, Ravi Park, Hazoori Bagh, Gulshan Iqbal intehai aeham hai.

Minar e Pakistan:

Minar e Pakistan bilkul usi maqam par tameer kiya gaya hai. Jahan March 1940 mein Qarar dad Pakistan manzoor hui thi. Ye 206 ft buland hai aur is mein mukhtalif rang ke pathar lagaye gaye hain. Is mein jo baghaat lagwae gaye hain, wo mughliya tarz-e-tameer ki akasi karte hain. Yehi Shahnama-e-Islam ke khaliq aur Tarana e Pakistan ke Musannif Abu Al Asar Hafeez Jalandhari ka mazar hai. Awami tafreeh ke liye aik jheel bhi banai gai hai.

Library Lahore:

Lahore ki Punjab Public Library ka shumar Pakistan ki barhi Librariyon mein hota hai. Ye 1884 mein qaiym ki gai hai. Is mein 3.5 lakh kitabein maujood hain.

Quaid-e-Azam Library ye Maal Road par Governer

House ke bilkul qareeb waqeya hai aur Lahore ki sab se barhi ye Library 1987 mein qaiym ki gai thi.

Filmi Sanat:

Yeh shehar Pakistan ki filmi sanat ka markaz hai, yahan mutadid barhe studio hain. Taqreeban 10 theatre hain jo awaam ko tafreeh muhayya karne mein aeham kirdar ada kar rahe hain.

Quaid-e-Azam Liaquat Ali Khan Fatima Jinnah
Zulfiqar Ali Bhutto Altaf Hussain Abdul Sattar Edhi

 

 

 

 

@Copy right 2012-2014 www.urdubiography.com