Molvi Abdul Haq (Baba e Urdu) Biography in Urdu

Molvi Abdul Haq was born in 16 November 1872 in Hapur. He is also known as Baba e Urdu. Molvi Abdul Haq was fond of reading. Molvi Abdul Haq wanted to make a Urdu college but he died before the completion of the college. It was his efforts that Urdu has become the national language of Pakistan. Molvi Abdul Haq was really inspired by Sir Syed Ahmed Khan. Molvi Abdul Haq was died on 16 August 1961 in Karachi. In this page, you will read Molvi Abdul Haq Biography, Baba e Urdu, Molvi Abdul Haq Biography In Urdu.

Molvi Abdul Haq Biography In Urdu

Baba e Urdu Maulvi Abdul Haq ne Hapar mein 1872 mein janam leya. Khaye pete khandan ke fard the. Ibtedai talem Punjab mein hasil ki. Adbi zindagi ka aghaz 1887 mein kiya. Usi zamane mein behtaren mazmon lekhne par lord lanes down se tamgha hasil kiya. Sir Syed ki dor andesh nigahon ne Molvi Abdul Haq mein wo sab kuch pa leya jise wo dekhna chahate the. Risala Tehzib ul Ikhlaq mein un se kaam lena shuru kia. B.A karne ke bad Molvi Abdul Haq Sir Syed Ahmed Khan ki hidayat par 1895 mein Hyderabad Dakan pohanche. Maradsa e Asifiya mein dars o tadris par mamor howe. 1914 mein mohtamim talimat e Aurangabad howe. 1919 mein sadar shuba e Urdu Jamiya Usmaniya bane.

1928 tak un hi khidmat par mamor rahe aur isi saal wazifa par sobokdoshi hasil kar ke Dehli muntaqil ho gaye. Unhon ne Hyderabad mein 34 saal tak qayam kiya. Un ki zindagi ka baqi hissa Urdu ki farogh aur is ki tarwij ke leye makhsos raha, is leye quom ne unhen Baba e Urdu ke naam se nawaza. Baba e Mlolvi Abdul Haq ne Urdu zaban ki esi khidmat injam di jis ki missal dosri zaban ki tarikh mein nahi milti. Baba e Urdu Molvi Abdul Haq mahir e Lesaniyat the aur tehqiq o tanqed ke mahir bhi. Unhon ne lughat aur tarikh zaban tartib de. Unhon ne Karachi mein urdu College ki bunyad rakhi aur aik team bana kar is ke mansobe ko amli jama pehnate rahe. Un ki khuwahish rahi ke apni zindagi mein Urdu College ki bunyad rakh den magar qudrat ko ye manzor na tha lekin aaj hum dekh rahe hain ke Urdu University qayam ho chuki hai aur apna kaam jari rakhe howe hai. Urdu ki tawij o ashat ke silsile mein olvi Abdul Haq ne Baresaghir ke chpe chpe ka dora kiya. Un ki zindagi ka har dor musalsal jid o jehad aur amal se bharpur hai. Susti aur kahli un ko sakht na pasnd thi. Tadbar koshish aur mehnat ko faraiz aur wajebat ka darja dete the.

Baba e Urdu mutale, mushahide aue mukalme ke adi the. Mutale ki adat un ki zindagi ka juz thi. Tamam zindagi ke mushahidat ko unhon ne yak jan kiya aur quom ke mutale ke leye unhen chor deya. Akhbarat, risale aur tarikh par unki gehri nigah thi. Sidq aur nigar dilchaspi se parhte the. Jab parhte parhte thak jate to ehbab se parhwa kar sunte. Unhon ne apni zindagi ko mukhtalif hisson mein taqsim kar rakha tha. Parhne ke bhi uqat the aur likhne ke bhi, un ki adat thi ke wo mazmon ko aik hi nashist mein pora lekhte. Anuman e taraqi e Urdu ki bunyad 1902 mein Dehli mein rakhi gai jis ke phele muhtamim e aala Molana Shibli Nomani the, jo Hyderabad mein beth kar anjuman ke intazamat dekhte the. Anjuman ki pheli kita May 1904 mein shaya hoi. Isi saal Molana Shibli Nomani ne mutamdi ka charge Habib ur Rehman sherwani ko deya. Janab Habib ur Rehman Sherwani ne 1909 mein mutamidi ki masnad se Molvi Abdul Haq ko nawaza.

Us waqat anjuman e traqi e Urdu ke liye Molvi Abdul Haq lazim o malzom the. Un ka naam Abdul Haq tha aur anjuman ka naam taraqi e Urdu. 1913 mein anjuman ka daftar Hyderabad muntaqil ho chukka tha. Molvi sahib ne apni rkar guzari se anjuman ko Hindustan ki bawaqar anjuman bana deya. Anjuman ka sab se shandar kaam qadem Dakni adab aur shura e Urdu ke tazkiron ki ashat hai. Mukhtalif ulom ke tarajum tasanif, talifat, nisabi kutub aur angrezi Urdu lughat ki tadwene se karname hain jo tarikh aur Urdu ki kitab (books) mein hamesha jagmagate rahein ge. Widya mandir scheme ke muhaz par anjuman taraqi e Urdu ki yalgharon aur fatohat ki fehrist bari tawil hai aur ye sirf aik hi mard e mujahid ka kaam hai jise hum Baba e Urdu ke naam se yad karte hain.

Molvi Adul Haq hama jehat shakhsiyat aur apni zatmein aik aik anjuman the. Urdu ke leye apni khidmat ke sile mein unhon ne Baba e Urdu ka khitab paya. Wo aik mumtaz nasar nigar, muhaqiq, mahir e talem aur mutazim the. Molvi Abdul Haq Sir syed ke maktab e fikar se taluq rakhte the. Unhon ne nasar nigari mein sir Syed aur Hali donon ke asrat shamil keye aur un jesa hi aslob ikhteyar kiya wo Sir Syed ki tehriron se ziyadah mutasir howe is leye unhon ne sadgi aur salasat ke bawajud Sir Syed ki tehrir ki shagutagi ko pesh e nazar rakha aur Hali jesi rokhi pheki tehrir lekhne se gurez kiya albata un ki nasar mein kush tabi aur sanjidgi ka aik haseen tawazun paya jata hai.
Un ki tehriron mein besakhtagi aur rawani hai. Is leye kuch hazrat ke nazdek un ki tehrirein mazamin ke bajaye taqrir kehlane ki mustahiq hain. Basakhtagi aur rawani ne Molvi sahib ki tehriron mein bari dilkashi aur ranai peda kar di hai. Wo apni rawani tehrir mein qari ko bhi apne sath baha kar le jate hain.

Molvi shaba ki tehriron mein aam bol chal ki zaban hoti hai. Unhon ne bila zarorat adaq zaban aur angrezi alfaz lekhne se gurez kiya. Unhon ne hindi zaban ke subuk alfaz bhi istemal kiye jin se un ki nasar mein aik ajeeb se chashni peda ho gai. Un ki tehriron mein ba payan khulos paya jata hai. Un ki tehrir parh kar yun mehsos hota hai ka is ke alfaz moye qalam se nahi balke dil se nikle hon. Isi sachai aur khulos ne Molvi Abdul Haq ko shurat e aam aur baqa e dawam ata kiya.

Molvi Abdul Haq aik kamyab marqa nigar aur sawanah nawis hain. Un ke tamam marqaat sachai aur ghair janibdari se ebarat hain. Unhon ne jin afrad ki sawanah tehrir ki ya un ki shakhsiyat par izhar e khayal kiya un ki serat ke tama m pheloon par seer hasil behas ki phir sab se bari baat ye hai ke aam tor par bashtar marqa nigar ke bajaye apni zaat ko numaya karna chahate hain , wo us ke aur apne zati taliqat ke hawale se ese waqeyat samne late hain jin mein un ki shakhsiyat bar bar numaya ho kar ati hai. Taham Baba e Urdu ki marqa nigari is saqam se pak hai. Wo apne qalm ko us ki shakhsiyat ki serat tak mehdod rakhte hain jis ka khaka tehrir kiya ja raha hai ya sawanah likhi ja rahi hai. Taham agar kabhi musanif ki shakhsiyat jhalakti hai to is ka aks bara e naam hota hai jo aik chand jumlon ya aik adha paragraph tak mehdod rehta hai.

Unhon ne sirf marof aur aham shakhsiyat hi par qalm nahi uthaya balke Naam Dev Mali aur Noor Khan jese aam admiyon ke khake bhi likhe kyun ke Molvi Abdul Haq k na sirf phol hi mein aan nazar nahi ati wo to kante menbhi aik shan dekh kar mutasir ho jate hain. Molvi Abdul Haq ka sab se bara karnama ye hai ke unhon ne Urdu ke qadem sarmaye nazam o nasar ko daryaft karne aur is ka tahfuz karne ke silsile mein baqaidah aik tehrik chalai. Is tehrik ke natije mein Molvi sahib ki infiradi koshihson se Urdu ke naamwar qadem shura aur nasar nigaron ke nadir o nayab tazkare, qalmi kutub aur majmoi kalam dastiyab howe. Nizami ki qadem masnoiyon, Phol bin Nashati ki razm aama aur Molla Wajhi ki dastan sab ras ki daryaft Molvi sahib ki sai musalsal se hi mumkin ho saki.

Molvi sahib ne qadem mehzotaat mein baqidah tehkik ki, un par tabsare kiye, unhen shaya karaya, is koshishs ki badolat bashumar mehzotaat zewar e taba se arasta ho kar ehl e elm ke samne aye.

Anjuman e tarqi e Urdu 1903 mein Maulana Shibli Nomani aur Nawab Mohsin ul Mulk ne qaim ki. 1911 mein Molvi Abdul Haq ne is mutamid ka mansab sanbhala aur apne inteqal tak pore 50 baras anjuman ke mutamid rahe. 1947 mein Molvi Abdul Haq ne is anjuman ka sadar daftar Karachi mein muntaqil kiya. Urdu College ka qayam Molvi Abdul Haq ka aik aur azeem karnama hai. Is Coolege mein fanon, qanon, science aur tejarat ki teleem Urdu mein hi de jati hai. Is College mein M.A, MSC aur LLM ki taleem bhi de jati hai jin ka zarya e taleem Urdu hai. Molvi Abdul Haq jama e Urdu ke qayam ke khuwahishmand the taham un ki rehrat se ye masoba adhora reh gaya.

Molvi Abdul Haq ne Urdu ko Pakistan ki qaumi zanban banane ke silsile mein zabardast jid o jehad ki. Unhon ne na sirf apni taqriron aur tehriron ke zarye qaumi renumaon aur hukam ko mutawajah kiya balke 1951 mein unhon ne Urdu ke haq mein aik shandar awami jaloos nikala jis ke shurka ki tadad aik lakh se zaid thi. Is jaloos ki qayadat Molvi shab khud kar rahe the. In hi koshishon ka samar ye tha ke 1956 ke dastor mein Urdu ko bahesiyat qaumi zaban ke taslim kar leya gaya.

Molvi sahib ne anjuman e taraqi e Urdu ke zer e ahtemam do adad ilmi aur adbi jaraid, Urdu aur qaumi zaban bhi jari kiye. In jaraid mein anjuman ke maqasid ki tashher ke elawa mayari elmi aur adbi mazamin, shura ka mayari kalam aur elaqai zabanon ke mazamin aur afsanon ke tarajum bhi shaya kiye jate hain.

Molvi Abdul Haq ne aik mustanad aur mayari angrezi Urdu lughat bhi tarteb di. Is lughat mein angrezi alfaz ke baz ese mani hain jo phele ki lughaton mein mujood nahi the. Unhon ne beshumar mutaradifat bhi ejad kiye. Molvi Abdul Haq ki koshishon se Karachi mein anjuman e taraqi e Urdu ka aik jaded chapa khana anjuman press ke naam se qaim howa. Is press ke qayam ki badolat anjuman ke leye apni kutub ki ashat mein bohat asaniyan peda ho gaein. Anjuman ke apne risale Urdu aur Qaumi zaban esi press mein shaya howe. Urdu zaban ke is azeem khidmatgar, musanif aur muhaqiq ne 16 August 1961 ke roz Karachi mein wafat pai.