Welcome to Urdubiography
Home >> Poets >>Josh Malihabadi  

 

 

Josh Malihabadi

Josh Malihabadi Photo

Josh Malihabadi was a very famous and talented poet of Pakistan. He was born on 5th December 1896 in Malihabad. His real name was Shabbir Hassan Khan. Josh Malihabadi said his first poetry in 1907 at the age of 11. He received his early education in Hussainabad High School. In 1913 Josh admitted in the college MAO in Aligarh. After one year he went to the Saint Patrick College Aagra in 1914. Josh migrated to Pakistan from India in 1955 at the age of 58. He married in 1916. Josh Malihabadi has one son named Sajjad Haider and one daughter named Syeda Khatoon. He died in 22 February 1982. Josh Malihabadi buried in the graveyard of Islamabad. In this page you can see the information about Josh Malihabadi.

Josh Malihabadi Biography In Urdu

Josh Malihabadi ko Shayar e shabab bhi kaha jata hai aur Shair e Inqilab bhi. In ka shumar 20th Century ka akabir shora mein kiya jata hai. Josh Josh Malihabadi 5 December 1896 ko Malihabad mein paida hue. In ka asal naam Shabbir Hassan Khan rakha gaya. Ibtedai takhallus Shabbir tha, magar bad mein Josh rakha gaya. 1907 mein yani 11 saal ki umer mein inho ne pehla shair kaha tha. Ibtedaai taleem Seetapur Hussainabad High School se hasil ki. 1913 mein MAO college Aligarh mein admission le liya. 1 saal bad 1914 mein Saint Patrick College Aagra chale gae. 1918 mein Shanti Niketan se taleemi silsila jorha. Taleem ke sath sath shair o sukhan ki aabiyari bhi jari rahi. Pehla majmooa kalaam Rooh e Adab ke naam se 1921 mein shaey hua. Fikar ki azaadi, husn e takheel aur lutf gooi in ke kalaam ki wo khusosiyat thin. Jinho ne jald he in ki shairi ko qaboliyat aam ka darja de diya.

Us zamane mein Hyderabad Deccan Hindustan ke famous ulmaa o shora ka markaz ban raha tha. Us sehatmand ilmi fiza ne josh ko bhi apni taraf khench liya. Wahan 1924 tak Usmania University ke Dar ul Tasneef o Tarjuma mein mulazmat ki aur wahan apne qiyam ke dauran shair o sukhan ke maidan mein bhi khob daad o tehseen samet’te rahe. Josh Josh Malihabadi ke us daur ke kalaam mein in ki tarz e zindagi aur fikar ki ranaaiyon ka aks milta hai. Josh ke naghmon aur kaif o masti ka daur e shabab tha. Phir Josh Josh Malihabadi Hyderabad Deccan chor kar Delhi aa gae, jahan se unho ne apne risaley Kaleem ka ujraa kiya. Mulazmat ki bandishon se azaadi ne in ki fikri parwaz ko tez kiya aur in ki shairi ne goya naya janam liya. Josh ka mizaaj roz e awwal se baghiyana aur inqilabi tha. Inho ne taraqqi pasand musannifeen ke sath amli taur par kaam karna shuru kiya. Dosri jang e azeem ke dauran Josh Josh Malihabadi ne apni nazmon, rubaiyaat aur qattaat mein jabir hukmaranon ke khilaf baghawat ka parcham buland kiya.

Us zamane mein azaadi e Hind ki tehriken bhi zoron par thin. Allama Iqbal jaise azeem ul martabat Shayar (poet) ke naara Haey Azaadi fiza mein goonj rahe the. Iqbal itne buland fikar philosopher aur baligh nazar mufakkir the ke in ki Shayari (poetry) se aam aadmi istefada nahi kar sakta tha,chunache is ahead ke chand naujawan Shayar (poet) Akhter Sherani, Afsar Meerthi aur Saghar Nizami waghera is maidan mein utar chuke the. In ke kalaam mein wo taseer na thi, is liye Josh ke liye yeh raasta khula hua tha. Is maidan mein utarte he in ke maddahon ka halqa wasee tar ho gaya. Josh ki aik nazam Fareb Hasti par Niyaz Fateh Puri ne yun izhaar raaey kiya. Yeh aik aesi nazam hai ke Josh Josh Malihabadi is ke siwa kuch aur na kehte, tab bhi main unhe Hali aur Iqbal ki saff mein la kar bitha deta . wazeh rahe ke yeh raaey us shakhs ki hai, jis ki sari umer Josh ke sath nok jhonk mein guzri aur jinhe Josh ke hareef aur naqad khayal kiya jata tha.

Rozi kamane ke liye Josh Josh Malihabadi ko kabhi Bombay, kabhi Pune aur kabhi Lucknow ya Calcutta ki bhi khaak chatni parhi. 1943 se 1948 tak wo Shalimar pictures Pune se bhi wabasta rahe. 1949 se 1955 tak risala Aaj Kal aur Bisaat Aalam ki adarat ke faraiz anjaam diye. Bil aakhir 1955 mein Hindustan ko kher baad keh kar Pakistan chale aae magar qismat ke yahan in ke nazaiyat aur khayalat ko ziyada pazeerai na mili. Josh ne taweel arsey tak angrezon se panja larhaya tha, magar apne he logon ke tasubaat se larhna in ke bas ki baat nahi thi. Inho ne kam o besh 58 saal ki umer mein Pakistan hijrat ki thi. Josh ke Pakistan aate he Hindustan ne in par gaddari ka label laga diya tha aur Pakistan mein aik halqey ne yeh awaaz uthai ke Josh ne isi mulk mein panah dhondi, jis ke qiyam ke wo mukhalif the, is soorat e haal par Josh he ka yeh shair sadiq aata hai.

Mujh se Khafa ha zarriyat sar sar o samoom
Sirf is qasoor par ke Quba par dareeda hon…

Tarikh gawah hai keg her mamoli shakhsiyat amoman mutanaza hua karti hain. Josh ka shumar bhi aesi he shakhsiyaat mein hota hai. In ke afkaar o nazriyat, sidq gooi aur tarz e hayaat ne in ke liye ba yak waqt kae mahaz khol diye the. Pakistan aur Hindustan ki hukomaton ne in ke sath wo sulook kabhi na kiya, jis ke wo mustahiq the aur jis ka aiteraaf dono mulkon ke adeebon aur shora ne barmala kiya hai. Josh ke sath aik sitam zareefi yeh bhi hui ke Pakistan mein in ki zindagi ka beshtar hissa aamirana daur e hukomat mein basar hua. Josh jaise baghiyana mizaaj aur azaad e fikar ke hamil poet ke liye yeh daur be had azziyat naak tha. Khas taur par in ki zindagi ke aakhri daur ko baaz mufaad parast poets aur adeebon ne in ki kirdar kashi ke zariye azziyat naak bana diya tha. Yahan tak ke inhe pehli “ Aehl e qalam Conference ” Islamabad mein shirkat ki dawat tak na di gai.

Josh Malihabadi ne adab ki jis sanaf mein qadam rakha, apni azmat ka loha manwaya. Shayari (Poetry) mein apni rubaiyaat se deegar shoara ko itna mutassir kiya ke kuch hum asar barhe Shayar (poet) bhi rubaai ki taraf maaiyl ho gae. Josh mein ghazal gooi ka bhi barha saliqa tha. In ki ibtedai Shayari (poetry) mein ghazal ka classical husun badarja maujood hai. Tahum baad mein inho ne nazam ko apna khaas maidaan bana liya tha. Inho ne marsiya nigari bhi aik khas jazbe aur fikar ke sath ki, jis ka maqsad marsiye mein tabdeeli lana chahta tha. Is se qabal marsiya nigari mein mehaz maatmi fiza ko qaiym rakha jata tha. Josh Josh Malihabadi ne apni marsiya nigari ka maqsad soe hue logon ko bedaar karna qaraar diya. Inho ne jaded marsiye ko jo manwiyat di. Is ki jhalak kisi aur Shayar (poet) ke han dikhai nahi deti. Josh ne nasar ke maidan mein qadam rakha to Taadon ki Baraat likh kar adbi duniya mein tehalka macha diya. Bila shuba Urdu ke sawahnio adab mein is se qabal itni hungama khez, sachaiyon se labrez aur riwayat shikan kitab nahi likhi gai thi. Yeh kitab har aitebar se Josh ki shakhsiyat ki bharpor akkasi karti hai. 1970 mein shaaey hone wali Josh Josh Malihabadi ki is sawaneh umri ke barey mein Maulana Mahir ul Qadri, jo kabhi Josh ke humnava nahi rahe, likhte hain. Yeh aik mishaq adeeb aur azeem poet ki khud noshta sawaneh umri hai. Ise ranga rang hona he chahiye. Jahan tak hamari mehdood maloomat ka talluq hai, duniya ke kisi barhe poet ne is qadar be saakhtegi ke sath apni zindagi ke halaat qalam band nahi kiye.

1947 tak Josh ke 16 shairi majmooye chup chuke the. Jin mein shola shabnam, shair ki raatein, fikar nishaat, saif o sabo, junoon o hikmat, hurf o hikayat, arsh o farsh waghera shamil hain. Pakistan aane ke bad jo majmooye manzar e aam par aae. In ki tadaad 5 hai. Jin mein Tuloo e fikar, Maujod o Fikar, ilhaam o ifkaar, najoom o jawahir, mehraab o mazrab, shamil hain. In ka aakhri majmooa kalaam Mehraab o Mazraab jung publishers ne 1993 mein shaey kiya tha. Josh ke nasri majmooun mein Maqalaat e Zareen, Isharaat aur Khudnosht sawaneh umri Yadoon ki Baraat shamil hain. Mutanaza hone ke bawajood Yadoon ki Baraat ki tareekhi, Adbi, Siyasi aur Sawahni hesiyat apni jagah musallima hai.

Josh Malihabadi ka nikkah 1907 mein kamsini mein he ho gaya tha. Rukhsati bojwah 1916 mein amal mein aai. Josh Josh Malihabadi ne apni Begum Ashraf Jahan ki barbadi, Saliqa shuaari aur muamla fehmi ka barmala aiteraf apni sawaneh umri mein kiya hai. Josh ke romantic aur bilanoshi ke mashaghil ne in ki azdawaji zindagi ko kabhi mutassir na kiya. In ke 2 bache the. Bete ka naam Sajjad Haider aur Beti ka naam Syeda Khatoon rakha gaya.

Yeh buland fikar inqilabi poet, jis ke kalaam ki ghun garaj se angrez aur samaji hukomaton ke aewaan aur sarmayadaron o jageerdaron ki haweliyon ke dar o baam laraz uthte the. Bil aakhir 22 February 1982 ko Islamabad ke Shehar e Khamoshaan mein chup ki chadar oarh kar abdi neend sou gae. Loh e Mazar par inhi ka yeh shair darj hai.

Kaam hai mera tagheer, naam hai mera shabaab
Mera naara inqelab o inqelab o inqelab…

Mirza Ghalib Ibn e Safi Ahmed Nadeem Qasmi
Habib Jalib Shahbaz Sharif Parveen Shakir

 

 

 

 

@Copy right 2012-2014 www.urdubiography.com