Welcome to Urdubiography
Home >> Poets >> Majid Nizami  

 

 

Majeed Nizami

Majeed Nizami was born on 3 April 1928. He got his initial education from Government School Sangla after that he came to Lahore and done F.A from Islamia College Lahore and M.A from Punjab University. Majid Nizami was also the member of Muslim Student Federation. After completing his education, he step in to the journalism and join the newspaper of his elder brother Nawa e waqat. Majeed Nizami starts his newspaper Nida e milat but after the death of his elder brother he joint Nida e milat with Nawa e waqat. Majeed Nizami is one of the famous and experience journalist in Pakistan. In this page, you will read Majeed Nizami, Majid Nizami Biography, Majeed Nizami Journalist.

Majid Nizami Biography

Majid Nizami Photo

Pakistan ke maqbol tareen sahafi aur moqar roznama Nawa e waqat ke mudir janab Majeed Nizami 3 April 1928 ke roz Sangla hill zila sheikhopora mein paida howae. Ibtedai taleem unhon ne Sangla hill ke government school se hasil ki aur F.A Lahore ke Islamia College railway road se pass kiya. Graduation ki degree Majeed Nizami ne Government College Lahore se hasil ki aur is ke baad 1954 mein Majid Nizami ne Punjab university se M.A siyasiyat ki degree hasil ki. Islamia college mein taleem hasil karne ke doran aap Muslim Student Federation ke plate form se tehrik e Pakistan mein bhi sargaram hissa lete rahe. Un ki inhein khidmat ke eteraf mein Wazir e Azam Pakistan Nawabzadah Liaquat Ali Khan ne unhen “mujahid e tehrik e Pakistan” ka izaz deya aur izazi talwar bhi pesh ki.

Taleem mukamal karne ke baad Majid Nizami ne amli sahafat mein qadam rakha aur apne baradar e buzurgh Hameed Nizami ke akhbar Nawa e waqat ke aamla e idarat mein shamil ho gaye. Kuch arse baad Majid Nizami Landon chale gaye aur wahan se sahafat ki aala taleem aur aamli tarbiyat hasil ki. University of Landon mein aap ne banul aqwami taulqat ki taleem hasil ki aur “grays in” mein beristry ki taleem bhi hasil karte rahe.

Jis waqat Hameed Nizami ka inteqal howa to aap apna zati akhbar “nida e milat” jari kar chuke the. Majid Nizami ke bewah Nawa e waqat ka nizam o insram kama huqa sanbhal na sakein to unhon ne is akhbar ko dobne se bachane ke leye apne dewar se rabta kiya. Majeed Nizami ne Nawa e waqat ki idarat sanbhali aur ise dobarah apne peron par khara kar deya. Taqreban aik saal bad aap ne Nida e milat ko bhi Nawa e waqat mein zam kar deya aur idare ki azsareno tanzim ki ta ke ise tabaat aur ashaat ke jaded taqazon se hum ahang kiya ja sake. Jald hi Nawa e waqat ne apni purani maqboliyat aur waqar hasil kar leya aur Lahore ke elawa Rawalpindi, Multan aur Karachi se bhi shaya hone laga. Apni idarat ke ibtedai dinon mein hi Ayoub Khan ki aamriyat ke muqabla karne ke hawale se aap ne apna aik munfarid muqam banaya aur Nawa e waqat ka aik mufarid aslob tashkeel deya jis ki Nishandahi aaj tak is idariye ki peshani par chapne wali Hadis e Rasool (S.A.W) se ho rahi hai “behtareen jihad zalim hukumran ke samne kalma e haq kehna hai.” Majeed Nizami ki pori sahafati zindagi isi Hadis e Nabwi (S.A.W) ki tasveer nazar aati hai.

Majid Nizami ki rehnumai, qabiliyat aur tajurbe ki badolat aaj Nawa e waqat mulk ke saf e awal ke akhbaron mein shumar hota hai aur is idare ke zer e ahtemam English roznama “The Nation” haft roza “Nida e milat” aur “Family” bachon ka magazine “phol” aur T.V channel Waqat News kamyabi se chalaye ja rahe hain. Janab Majeed Nizami dasht e sahafat mein nifs sadi ke lag bhag arsa ghuzar chuke han. Is arse mein unhon ne jo naqush Pakistan ki sahafat par chore han, un ki ghehrai aur deerpai ka muqabla karne ka dawa koi aur Pakistani sahafi nahi kar sakta. Majeed Nizami Pakistan mein sanjedah sahafat ke hawale se aik buland muqam rakhte hain aue mulki sahafat ke elawa siyasat mein bhi Majeed Nizami ko numaya rasukh aur waqar hasil hai. Majeed Nizami all Pakistan newspaper society aur all Pakistan news papers editors ke saddar aur secretary ke tor par bhi khidmat anjam de chuke hain.

 

Ibne-Safi Allama Iqbal Ahmed Nadeem Qasmi
Habib Jalib Mirza Ghalib Parveen Shakir

 

 

 

 

@Copy right 2012-2014 www.urdubiography.com