Welcome to Urdubiography

 

 

Mohtarma Fatima Jinnah

Mohtarma Fatima Jinnah was born in 30 July 1893 at Karachi. Mohtarma Fatima Jinnah was the youngest sister of Quaid-e-Azam Muhammad Ali Jinnah. Your real name was Fatima Bai but got fame from Fatima Jinnah. your father name was Jinnah Poonja and Mother name was Sakeena Mithi Bai. Fatima Jinnah died on 9 July 1967. Here we write about Mohtarma Fatima Jinnah biography inUrdu and Roman Urdu.

Fatima Jinnah Photo
Muslim League Ka Salana Ijlas
11 September 1948
Fatima Jinnah Death

Fatima Jinnah in Urdu

Usoul pasandi, hubul watni, ghairat mandi, deyanatdari, waqar, huq goi, bay baki, azam-o-himmat ye sari khubiyan is hasti ki taraf ishara karti hain jise hum sub Mohtarma Fatima Jinnah kay nam say jantay hain. Mohtarma Fatima Jinnah 30 july 1893 ko Karachi mein paida hoyein. Un ki milli khidmat ki bina per qaum nay unhein khatoon-e-Pakistan aur Mother-e-Millat kay laqab say nawaza. Jo har dil azizi unkay hissay mein ayein, Fatima Jinnah say pehlay aur un kay bad kisi Pakistani khatoon kay hissay mein nahi aye.

Mohtarma Fatima Jinnah Quaid-e-Azam ki sub say choti behan thein. App ka asal nam Fatima bai tha lakin shurat Fatima Jinnah kay nam say pain. App kay walid ka naam Jinnah Poonja aur walida ka nam Sakeena Mithi Bai tha. Mohtarma Fatima Jinnah abhi bohat kamsin thien kay 1893 mein un ki waldah wafat pa gayein aur 1901 mein walid ka saya bhi sir say uth gaya. Quaid-e-Azam nay choti behan kay sir per shafqat ka hath rakha aur in ki taleem per khas tawajha di. Pehlay unhonay Fatima Jinnah ko Bandra Convant School mein dakhil karaya. Chand sal bad wo Matric ki taleem kay liye Khandala High School mein dakhil hoyein wahan say farig ho kar private taliba ki hasiyat say Senior Cambridge ka imtehan diya phir kolkata ja kar inhone Dr. Ahmad Dental College mein dakhila liya aur Bachelor of Dental Surgery ki degree hasil ki. Bombay akar unhone aik dental clinic khula lakin chand sal bad jab Quaid-e-Azam ki bivi Rattana Bai ka inteqal kar gaye to Fatima Jinnah nay apna tamam waqt Quaid-e-Azam ki dekh bhal per sarf karne ki khatir apna Clinic band kardiya.

Muslim League Ka Salana Ijlas

Quaid-e-Azam ko apni ye behan bohot aziz thien aur woh hamesha in ko apne sath rakhtay thay. 1937 mein Lakhnow mein Muslim League ka salana ijlaas Quaid-e-Azam ki zair sadarat munaqad huwa to Mohtarma Fatima Jinnah pehli martaba is mein shareek huye. Iss kay baad woh jad-o-jehad azadi kay nehayat kathan aur nazuk dour mein app nay mashaqat bhai ki har tarha say dekh bhal karti rahien inhoney Muslim khawateen ki taleem, siasi aur mayasharti taraqi kay liye bay inteha kam kiya woh All India Muslim league kay shuba khawateen ki sir parasti thien. Quaid-e-Azam nay August 1947 mein Karachi club mein taqreer kartay huye Fatima Jinnah ki khidmaat ka aiteraf in alfaz mein kiya. Fatima mere liye hosla afzai aur taqwiyat ka mustaqil zariya hai. Jin dino is bat ka khatra tha kay ungraiz hukumat mujhe giraftar karlay gi.,ye meri behan hi thi jis nay mera hosla buland kiya aur iss waqt jab inqalab ronuma hone ko tha, iss nay umeed afazai batain kien aur meri sehat ka hamesha khayal rakha.

Mutarma Fatima Jinnah nay bay panha khuloos, lagan aur atemad kay sath Tehreek-e-Paskitan mein hissa liya aur apnay app ko Quaid-e-Azam ka dast o bazo sabit kiya. Jis soube mein Muslim league ka ijlass hota is kay sath khawateen ka ijtemah bhi munaqat hota tha Fatima Jinnah in jalson say khatab farmatein aur khawateen ko Tehreek-e-Pakistan mein bhar pur hissa lenay ka talqeen kartein in ko apne nasbul aeen ki taqat per pura yaqeen tha. Un kay azam aur hoslay nay musalman khawateen ki himmat bandhi aur unhone bhi mardon kay shana bashana kam kiya aur Pakistan ki khatir sir dhar ki bazi lagadi chunacha aik mouqay par Quaid e Azam nay Farmaya kay pakistan banane mein jin anasir nay mera sath diya in mein Fatima Jinnah sarefehrist hain. Shab-o-roz ki laga tar mehnat say Quaid-e-Azam mein alalat kay asar namudar huye to Fatima jinnah nay har ghari in kay aram aur alaj ka khayal rakha aur akhiri lamhat tak unki neghedast karti rahein.

11 September 1948

11 September 1948 ko Quaid-e-Azam jab khaliq-e-haqiqi say ja melay to Fataima Jinnah ki zindagi nehayat pur ashob dour shuro ho gaya. Woh fitratan bari nider, delair, huq go aur jamhoriyat pasand waqae thi agar unhein jaho munsab ki hirs hoti to Arbab-e-Iqtedar ki han mein han mila kar sub kuch hasill kar sakti thin lakin jab unhone logo ko Quaid-e-Azam kay asolon say inheraf kartay huwe dekha to puri qowat say in kay khilaf awaz bulan ki. Mohtarma Fatima Jinnah ki awaz ko dabanay ki puri koshish ki gai aur aisay halat paida kardiye gaye kay woh kuch arsay kay liye siasat say kinara kash hone per majbor hogain lakin jab qaum ko aik amar ki qaheri ka muqabla karne kay liye un ki zarorat pari to perana sali kay bawajud Fatima Jinnah jurat aur himmat ki alamat ban kar 1964 kay sadarati intekhabat mein hissa lene kay liye maidan mein agayein. Fatima Jinnah nay puray mulk ka tufani dour kiya. Besiuo jaga bare bare ihtemaat say khatab kiya aur saray mulk mein jamhoriyat ki roh phonk di. Sadarati intekhabat mein fariq mukhalif ko kis tarha kamyabi hasil hoi ye aik alag dastan hai.

Fatima Jinnah Death

Presidential Election kay bad woh aik bar phir gosha nasheen ho gai albatta samaji aur falahi kamo ki sar parsati jari rakhein yeaha tak kay khaliq haqiqi ka bulawa a pauncha aur 9 July 1967 ki subah logo nay app ko apne bister-e-abadi neend soye huye dekha. Fatima jinnah na sari (Life) zindagi alme e tajroh mein guzari. App nay kisi bhi mour per asolon per samjhota na kiya aur inthai na masad halat mein bhi apne mokif say dasbardar hona gawara na kia. App sari umar qaum ki sahi simt mein rehnumai karti rahein. Aisi buland himat khatoon kisi qaum mein sadyon bad paida hoti hain.

More Links


 

 

 

 

 

Copy right 2012-2014 www.urdubiography.com