Welcome to Urdubiography
Home > Social Workers > Rana Liaquat Ali Khan
 

 

 

Rana Liaquat Ali Khan

Begum Rana Liaquat Ali Khan was born on 13 February 1905. Begum Ra'ana Liaquat Ali Khan the wife of First Prime Minister of Pakistan Liaquat Ali Khan. Begum Rana Liaquat has done M.A from Lakhnow University. After taking an educational degree, she has started teaching in a school and after that hshe has appointed as the professor of economics in Parsth College Dehli. In 1937, she was married to Liaquat Ali Khan. They have two children. The biggest achievement of her life was “APWA” All Pakistan Women Association. Ra'ana Liaquat was a brave woman even after the martyrdom of Liaquat Ali Khan she works for “APWA” and Pakistan.

Biography of Begum Rana Liaquat Ali Khan

Rana Liaquat Ali Khan Photo
Rana Liaquat Ali Khan ko tehreek e Pakistan ki aik khamosh rukun hone ke elawa Pakistan ke phele wazir e azam ki ahliya hone ka izaz bhi hasil hai. Begum Rana Liaquat Ali Khan himaliya ki tarai mein paida hoein. Ye elaqa shumali hind mein waqiya hai aur “almora” kehlata hai. Aap ne ibtedai taleem Nenital ke Wills Lee high school mein hasil ki phir Lakhnow mein akar Azbela thabarn school se matric aur Azbela thabarn college se B.A kiya. School aur college mein aap numaya hesiyat ki hamil thein. Aap ki tabai hazir jawabi, bazla saji aur shafuftagi mukhatib ko garwidah kar leti thi. Talebat ki sargarmiyon mein aap pesh pesh rehti thein. Aap ne Lakhnow University se mashiyat aur imraniyat mein M.A ke imtehan mein university mein top kiya.

M.A mein Begum Ra'ana Liaquat ke muqale ki bohat tariff ki gai. M.A karne ke bad aap ne education ki aik degree hasil ki aur dars o dadris ka silsila shuru kar deya. Phele Gokhle Memorial school mein larkion ko parhaya aur phir Delhi ke Parsth College mein economics ki professor ki hesiyat se shamoliyat ikhiteyar kar li.is college mein aap derh saal tak economics parhati rahein. April 1937 mein Liaquat Ali Khan se aap ki shadi hoi. Us waqat Liaquat Ali Khan Quaid e Azam ke dast e rast the aur Liaquat Ali Khan ki ghair rasmi dast e rast Rana Liaquat thein.Liaquat Ali Khan ki sari khat o kitabat aur type ka kaam Begum Liaquat Ali Khan injam detein thein. Siyasi kaamon mein bhi Begum Liaquat un ki madad kartein. Rana Liaquat har mumkin had tak apne shohar ka hath batane ke elawa gharelo zimedariyan bhi pori kartein.

Begum Liaquat Ke batan se do farzand Asharf Liaquat 13 October 1937 ko aur Akbar Liaquat 19 April 1941 ko paida howae. Begum Liaquat ne un ki parwarish nihayat zimedari se ki. Quaid e Millat apni siyasi masrofiyat ki wajah se bachon par tawajah nahi de sakte the, is leye ye zimedari mukamal tor par begum Liaquat ke kandhon par aan pari aur unhon ne ye zimedari nihayat kamyabi se nibhai. Shihar aur bachon ke elawa un ki do aur masrofiyat ya mashaghil the.mosiqi aur kitabein. 14th August 1947 ko Pakistan maroz e wajod mein aaya to Quaid e Millat Liaquat Ali Khan ko Pakistan ka phela Wazir e Azam muqarar kiya gaya. Ab Liaquat Ali Khan aur Begum Liaquat par nai zimedariyan aan parein mashriqi Punjab aur degar khiton se mahajireen ka jo selab umad para tha, is ki bina par Liaquat Ali Khan ka hath batane ke leye baqaidah khidmat aur bani no insan ki imdad ki tanzeem ka aghaz kiya.

Ye tanzieem unhon e tehreek ki shakal mein shuru ki. Begum Rana Liaquat Ali Khan ne khawateen ki aik jamat qaim kar ke use “jamyat e razakar khawateen Pakistan” ka naam deya. Us waqat urton ko samaji khidmat aur hajatmandon ki imdad ka koi tajurba na tha. Gharelo khawateen ye baat janti h na thein ke wo ghar se bahar bhi koi khidmat injam de saktein hain. Un halat mein natajurbe kar khawateen ki tanzeem banana aur un se musibat zadgaan, nadar mohtaj afrad ki khidmat ka kaam lena yaqenan mushkil tareen kaam tha lekin Begum Rana Liaquat Ali Khan ne is kaam ka bera uthaya. Is azeem kaam mein unhen jo kamyabi nasib hoi wo yaqenan heratnak hai. Un ki qayadat mein natajurbekar Pakistani khawateen khidmat e khalq ke leye jis tarah mutahid hoein aur kaam kiya wo apni missal aap hai.

Begum Liaquat Ali Khan ka sab se bara karnama “Apwa” yani aal Pakistan anjuman khawateen ki tashkil aur tanzeem hai. Is ki wajah se un ka naam Pakistani tarikh mein hamesha zindah rahe ga. 22 February 1949 ko Pakistan bhar se unhon ne esi khawateen ko madu kiya jo zindagi ke mukhtalif shobon mein mufeed aur karaamad kaam anjam de rahein thein. Ye Pakistan ki tamam khawateen ki anjuman hai aur is mein shirkat ke leye kisi rutbe, darje, mazhab ya firqe ki qead nahi. Ye siyasat se koi sarokar nahi rakhti. Is anjuman ka maqsad Pakistani khawateen ki samaji, taleemi aur saqafati islah hai. Is ki shakhein Pakistan ke charon sobon aur kafi zilon mein hain. Apwa ki zer e nigrani kai school aur college khole gaye hain, hospitals qaim kiye gaye hain, amor e khanadari ka khas intezam kiya gaya hai. Is tanzeem ka maqsad khawateen ki sahi tor par tarbiyat karna hai.

Liaquat Ali Khan ki shahadat ko unhon ne nehayat hosle ke sath bardasht kiya aur is ke baad bhi Apwa ki sargarmiyan jari rakhein. Hukumat e Pakistan ki janib se un ko kai aala uhdon par faiz kia gaya. Aap nihayat hoslamand aur jari khaton thein. Begum Rana Liaquat Ali Khan ne tamam zindagi insaniyat bilkhusos khawateen ki khidmat mein guzari.

Benazir Bhutto Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com