Welcome to Urdubiography
Home >> Sports >>Shahid Afridi

 

 

Shahid Afridi

Shahid Afridi Photo

Shahid Afridi is a best player of Pakistani team. He is an all rounder cricketer. Shahid Khan Afridi plays a very good cricket and plays very huge sixes across the ground. He was born on 1st March 1980 in Khyber Agency. His height is 5 ft and 11 inches. Shahid Afridi passed matric from Ibrahim Ali Bhai School. He is a younger brother of four brothers and six sisters. Shahid Afridi started his international career in 2nd October 1996 against Kenya in Nairobi. And he started his test series career in 22 October 1998 against Australia. Shahid Khan Afridi married with his cousin Nadia in 21st October 2000. By the Grace of ALLAH SUBHAN O TA’ALA he has four daughters named Aqsa Afridi, Ajwa Afridi, Asmara Afridi and Ansha Afridi. He is a very brilliant cricketer of Pakistan. In this page you can see the biography of Shahid Afridi In Urdu and Roman Hindi.

Shahid Afridi Biography In Urdu, Hindi

Boom boom Afridi mountains ke shehzade aur cricket ground mein sixers ka badshah… yeh wo chand alqaab hain, jin se Shahid Khan Afridi ko tamam duniya mein phele hue in ke paristar yaad karte hain. Jarihana andaaz se khelne wale khiladi to duniya mein beshumar hain, magar Afridi ki baat he kuch aur hai. Kuch log to yahan tak kehte hain ke cricket ki duniya ne in jaise mizaaj ka khiladi na dekha hai aur na shayad aaiynda dekh paaenge. In ke bare mein yeh kehna ke wo jarihana style ke all rounder hain. Bilkul aisa he hai jaise yeh bataya jae ke Elbert Einstein scientist the.

Shahid Afridi ki dehshat kis tarah hareef ballers ki nafsiyat par sawar ho jati hai, in ka izhaar aik zamane mein England ke tez tareen baller Graham Dilley ne khud kiya tha. Inho ne tasleem kiya ke baller chahe spinner ho ya fast, six to zaroor parhte hain, lekin Shahid Khan Afridi ke six kuch is andaaz ke hote hain ke ballers ka waqar khaak mein mil jata hai. Aik Graham Dilley he nahi, aise kae ballers hain jo “ Lala ” ke jarihana andaaz se panah maangte hain. Shahid Afridi ne test cricket se kinara kasha zaroor ikhteyar kar li hai, tahum inhe ab bhi one day international aur twenty twenty ka king kaha ja sakta hai. Agar wo bating mein johar nahi dikha pae to balling mein jadogari dikha dete hain. Isi liye Shahid ko dunioya ke behtareen all rounder ki suff mein shamil kiya jata hai.

Shahid Afridi aise batsman hain ke jo khelne ke liye ground mein aate hain to aik samaa band jata hai. Audience mein hulchul mach jati hai. Aik bhonchal sa aa jata hai. Log dil thaam kar beth jate hain. Takht ya takhta… Shahid Afridi yehi azam liye maidan mein jate hain, kabhi kushton ke pushte laga dete hain to kabhi pehli he ball par out ho kae wapis pavilion laut aate hain.

Sahabzada Mohammad Shahid Khan Afridi 1 March 1980 ko Khyber agency mein paida hue. Height 5 ft 11 inch hai. Karachi mein pale barhe hain. Ibrahim Ali Bhai school se matric kiya. 4 bhai aur 6 behno wale gharane mein sab se chote hain. Cricketer Shahid Khan Afridi us daur ki paidawar hain, jab Pakistan ne 1992 mein world cup jeeta tha aur har naujawan Imran Khan aur Javed Miandad ki tarah cricketer banna chahta tha. Un dino Kenya mein summer cup tournament khela jar aha tha aur Mushtaq Ahmed unfit ho gae the. Pakistani selectors ne aik teen ager Shahid Afridi ko, jin ki masey bhi abhi nahi bheegi thin, un ko bhej diya. Shahid ki aamad aik toofan sabit hui, kyun ke Nairobi ground par Kenya ke khilaaf 3rd number par bating karte huie in naujawan ne 37 balls par century bana kar aalmi record torh dala tha. Yeh mehdood over ski tez tareen century thi, jise dekhte hue cricket ke paristaron ki oper ki saans oper aur niche ki saans niche reh gai thi. Match ke dauran fielders ka kaam yehi dikhai diya ke wo ball uthae aur wicket keeper ki taraf wapis uchalte rahen. Yeh 4 October 1996 ki bat hai. Jab Shahid Afridi ne 11 six aur 7 fours ki madad se 102 runs banae. Yeh aise munfarid mawaqon mein se aik tha. Jab six ki tadad fours se barh gai thi aur ikka dukka runs ki tadad sharmindagi ke marety sukhar gai thi. Sari duniya satellite Television ke zariye mebhoot ho kar yeh manzar dekh rahi thi. Yun Shahid Afridi raaton raat gumnami se nikal kar aik super star ban gae the.

Jahan tak aedaad o shumar ka talluq hai to wo Shahid Afridi ki salahiyaton ki bharpor akkasi nahi karte. Inho ne international career ka aaghaz 2 October 1996 ko Nairobi mein Kenya ke khilaf aik roza match khel kar kiya tha. Jab ke test career ki shuruwaat 22 October 1998 ko Australia ke khilaf Karachi mein kit hi. Shahid Afridi ne 27 test match khel kar 36.51 ki osat se 1716 runs banae. Jis mein 5 centuries aur 8 half centuries bhi shamil hain. Test matches mein Shahid Afridi 48 wickets bhi hasil kar chuke hain. Is ke ilawa Shahid Afridi ne 338 1 day matches mein 23.72 ki osat se 6999 runs score kiye hain. Jis mein 6 centuries aur 33 half centuries shamil hain. Bataur ballers wo one day matches mein 341 wickets le chuke hain. Jis mein 8 martaba 1 match mein 5 ya zaiyd wickets hasil karne ka aezaaz bhi shamil hai.

Guzishta kuch arsey se Shahid Afridi ki bating kuch gehna si gai hai. Yeh bhi kaha jata hai ke duniya bhar ki teams ne computers aur deegar aalaat ki madad se in ki bating techniques ki khamiyon ka pata chala liya hai. Isi liye ab Shahid bataur batsman ziyada maussir nahi rahe. Itne arsey bad bhi Shahid Afridi short pitch balls ke lalach mein aa jate hain. Is ke ilawa inhe Australia ki bouncy wickets ko baratne ka saliqa bhi ab tak nahi aaya. Waise Shahid Afridi qismat ke dhanni hain, kyun ke jis tarah ALLAH PAK apne bando se mayoos nahi hua, qaumi selectors bhi Afridi se tahaal mayoos nahi hain, kyun ke wo aksar tezi se ghomti hui balls se apni nakaam bating ki talafi kar lete hain. Jab ke bataur aik fielder in ki maujodgi bhi team ke tunn murdah mein zindagi ki lehar daura deti hai.

Shahid Afridi apne oper se one day slogger ka label hatane ke liye sir torh koshishen karte rehte hain aura b tak inho ne jo test match khele hain. Un mein kabhi batsman aur kabhi baller ki hesiyat se apna loha manwaya hai. In ki maujodgi se hamesha mukhalif team par aik khauff sa taari rehta hai. Aik se ziyada mawaqey par inho ne gher mamooli balling attack ki bhi dhajjiyan bikheri hain. Mukhtasir se run up ke bawajood wo apni tez leg break se ball ko khasa bounce de lete hain. Jo batsman ko pareshan karta hai.

21 October 2000 ko apni cousin Nadia se Shahid Khan Afridi ki shadi ne unginat ladkiyon ke dil torh diye. January 2002 mein in ke han pehli pyari se beti Aqsa Afridi paida hui, us ke bad Ajwa Afridi, us ke bad Asmara Afridi aur phir Ansha Afridi. Is tarah Shahid Afridi ki 4 betiyan hain.

Guzishta chand barson se Shahid Afridi ka cricket career in ki bating ki tarah hichkole kha raha hai. Kabhi inhe ibtedai numbers par khilaya jata hai, to kabhi middle order main muntaqil kar diya jata hai. Behar kaif field mein in ki maujodgi in ke sathiyon ke liye hamesha taqwiyat ka baiys hoti hai, kyun ke wo mukhalif tea, ko mushtail kar ke ghaltiyan karne par majboor kar dete hain. Jis ka faida qaumi team ko pohanchta hai.

T twenty cricket ka aisa format hai, jo shayad banaya je Shahid Khan Afridi jaise players ke liye gaya hai. In ka jarihana andaaz is format ke liye nihayat mauzoo hai. Mukhtasir dauraniye ki cricket mein Shahid Afridi ki aalmi maqboliyat ka aik sabot guzishta dino us waqt saamne aaya, jab Bangladesh premier league mein sab se barhi boli inhi ke liye di gai. In ki khidmaat hasil karne ke liye Dhaka franchise ne 7 lac dollars ki peshkash ki, tahum Shahid Afridi ne apne Watan ke liye khelne ko daulat kamane par tarjeeh di aur England ke khilaaf series ke baiys BPL mein khelne se inkaar kar diya. Is tarah inho ne sabit kiya ke won a sirf match winner player hain, bal ke aehl e watan ke dilon ko jeetne ka hunar bhi khoob jante hain.
Shabaash Lala Shabaash.

More Links

 

 

 

 

@Copy right 2012-2015 www.urdubiography.com